داليا فؤاد توجه رسالة مؤثرة إلى والدتها: "تعبت وما قدرت أكمل"

نشرت الإعلامية داليا فؤاد رسالة صادقة عبر حسابها الشخصي على فيسبوك، موجّهة إلى والدتها، كشفت فيها عن معاناتها الداخلية وتعبها النفسي.

كتبت داليا فؤاد في منشورها:"آسفة إني خليتك تحسي بالإحساس المؤلم والصعب، وبذات إنك تعبتي معايا، بس الموضوع غصب عني، مش قادرة أكمل، مش قادرة أعافر ولا أحارب. الحياة محتاجة طاقة وقوة، وقدرتي علي إني أكمل خلصت. ممكن أكون ضعفت، ممكن أكون غلط، بس غصب عني… عاوزاكي تدعيلي وتفتكريني بالخير مهما حصل، وخلي فؤاد يدعيلي".

وأضافت داليا: "أنا يمكن اخترت في الأول كل حاجة في حياتي بعند وكبرياء، وحاولت أعافر عشان مخذلكيش وأكون ضهرك، بس تعبت وقوتي خلصت، ووصلت لدرجة إني يا أما أكون وحشة بجد وبـ100 وش عشان الناس تحبني، أو أكون أنا وطبيعية والناس تختلف عليه… مش ده أهم حاجة، الأهم كنت انتي وفؤاد. بس حاسة إني مابقتش الظهر والسند. قدام الناس ضحكي الهستيري والبهجة الزائفة، وجوايا اكتئاب شديد ووجع وذكريات بتخليني في دوامة وصراع مع النفس".

وتابعت: "هتوحشيني بس أطمني، هروح للي خلقني، صدقيني هيكون أحن عليه من أي حد. وعارفة إني عملت غلط، بس طمعانة إن ربنا يسمح لي، هو رحيم نجاني من محنتي، والناس دبحتني. تعبت من إني من جوايه منهارة، بصرخ بصوت عالي وقدام الناس هاديه، وببين قوتي وهدوئي وتفاؤلي وطاقة للناس. تعبت من تمثيلي إني دايمًا تمام وإنّي بخير وإنّي قويه. تعبت من إني أخبي دموعي وحزني على حاجات اتخدعت فيها أو خسرتها كانت ليه كل حاجة. تعبت إني أكون كويسة والناس مش كويسة. تعبت من حبي لناس ماشفتش منهم غير الغدر والخيانة، تعبت من الزعل وارهقت من الحزن، ونفسي أتقطع من الجري وراء أحلامي، وظهري أتقسم من الحمل والمسؤولية".

واختتمت رسالتها برسالة حب وطلب دعاء: "وصيتي ليكي خلي بالك من نفسك وفؤاد ومريم والكلاب، أمانة. الحياة أرهقتني ولم أقدر على تحملها… سامحيني، بحبك".