طرح المطرب مسلم أحدث أغنياته بعنوان «ماتتحبيش» عبر منصة اليوتيوب وعدد من المنصات الرقمية ومحطات الراديو، وذلك بطريقة الـ AI Music Visualizer، لتكون ثالث أغنيات ألبومه الجديد «وحشاني» الذي يضم 10 أغنيات متنوعة من حيث الأنماط والأشكال الموسيقية.
أغنية «ماتتحبيش» من كلمات حسام سعيد، وألحان عمرو الشاذلي، وتوزيع موسيقي وميكس وماستر محمد ياسر. ويقدم مسلم من خلالها اللون العاطفي، حيث تدور فكرتها حول إدراك الحقيقة بعد فوات الأوان، واكتشاف الوقوع في أزمة سوء الاختيار رغم التحذيرات والإشارات التي كانت تؤكد عدم ملاءمة هذه العلاقة واستحالة استمرارها، في أجواء يغلب عليها العتاب والحسرة.
وتقول كلمات الأغنية:
ماتتحبيش
و مش عارف غلطت ازاي و حبيتك
كتير نصحوني اسيبك بس بردوا فضلت
عملت انا نفسي مش شايف
و فوق الكل عليتك
راهنت عليكي ياما و في النهايه خسرت
ازاي قبلت نكون سوا
و ما بينا فرق المستوى
في الطيبه و الإحساس كبير
طول عمري طيب انا و سوي
اما انتي مؤذيه اوي
و بجد بعدك عني خير
متنفعنيش
من الاول لكن كدبت إحساسي
مشيت في طريق قالولي عنه ضلمه و صعب
قولت الناس دي بتهول
و ظالمه و قلبها قاسي
اتاري مفيش نهائي اقسى منك قلب.