وجّه الرئيس عبدالفتاح السيسي الشكر للشهداء ومصابي مصر، عقب صلاة عيد الفطر المبارك بمسجد الفتاح العليم بالعاصمة الجديدة، وتناول الإفطار مع الحضور.
وقال الرئيس السيسي، خلال كلمته التي نقلتها قناة "إكسترا نيوز": "وأنا في ٢٠١١ كنت بقعد مع مسئولين كانوا بيسألوا من هيمسك مصر، كنت بقول الإخوان هيمسكوا.. وبعدين هيمشوا، لأن المصريين مبيحبوش حد يفرض عليهم يروحوا يصلوا في الجامع أو يصلوا في الكنيسة، مصر لا يتم فيها إجبار أحد على الدخول للمسجد بالعافية أو الكنيسة بالعافية".
وأضاف: "كنت عايز أتشرف بالذكرى العطرة لكل شهيد ومصاب، وده يعتبر وسام لكل أسرة، وبانت آثاره في اللي إحنا كلنا عايشين فيه.. ربنا يديم علينا الأمن والأمان ويعينّا على الأشرار.. كل الشكر والاحترام والاعتزاز بكم، إن شاء الله الولاد والبنات يكبروا ويفتخروا بآبائهم، ويقولوا نحن من قدم ما أنتم فيه".