قالت الفنانة مي القاضي، إنها لن تترك الفن لحبها لمهنتها وأنها تنوي تقديم الكثير من الأدوار خلال الفترة المقبلة.
وقالت مي القاضي خلال لقاؤها ببرنامج "كشف حساب" الذي تقدمه الإعلامية إنجي هشام: "معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟ انا بحبه ومش شايفه انه حاجة غلط ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام مفكرتش أعتزل وارتدي الحجاب وبشوف اللي عملوا كده خطوة كويسة وعايزين يقربوا من ربنا بعد مشوار ، أنا لسه في حاجات كتير نفسي اعملها ومشبعتش من التمثيل.
وتابعت مي القاضي: الفن لو حرام؟ مش هسيبه عشان أنا بحبه، لازم اكون مقتنعه ومافيش حاجة غلط بعملها؟ او اقتنع بكلام اللي بيتكلم، شايفه إن الدنيا ابسط من كذه بكتير الدين عايزنا منكذبش ولا نسرق في ناس قافلين ع نفسهم مبيخرجوش ولا بيسمعوا اغاني مبحبش أبقى كده مبحبش التطرف.
ومن جانبها علقت مي القاضي على فكرة تجميد بويضاتها لحين الزواج مثل الفنانة ناهد السباعي: برافو انها عملت كده، مع والعلم دايما بيطلع حاجات جديدة في العلم تسهل علينا حياتنا، وبفكر اعمل تجميد بويضات لان ده هيدي فرصة للست تعمل اي حاجة في الوقت اللي عايزاه.