تحدث الفنان محمد حماقي عن أغنيته "بحرية" التي طرحها ضمن ألبوم "سمعوني" وشاركته في الغناء الفنانة شيرين عبد الوهاب.
وقال حماقي عبر تصريحات تليفزيونية له: «أنا طول الوقت بقول أنا لو عملت أغنية الناس "مهنجتش" قدامها شوية يبقى مفيهاش حاجة جديدة، ممكن تقف شوية قدامها متبقاش مستوعب وبعدين تحبها أوي دا معناه إن في حاجة جديدة وحلوة، الأغاني اللي من أول لحظة تحس أنك عارفها دي أغلب الوقت مفيش فيها حاجة جديدة».
وتابع محمد حماقي: "أغنية "بحرية" من النوع اللي فيه حاجة جديدة بتاخد وقت عشان تستوعب وبعدين بتنبسط وبتحبها، الأغنية كان بقالها كتير معايا، وشيرين عبد الوهاب أقتنعت بيها وأول مرة سمعتها قامت وقفت من مكانها وقالت "أنا بقالي سنين مسمعتش حاجة حلوة كدة" والأغنية فيها عناصر كتير مهمة.