شن محمد عبد الوهاب، شقيق الفنانة شيرين عبد الوهاب، هجومًا حادا على نقيب الممثلين الدكتور أشرف زكي ونقيب الموسيقيين مصطفى كامل، عبر منشور على صفحته الرسمية على فيسبوك.
وكتب محمد عبد الوهاب في منشوره: "الأستاذ نقيب الموسيقيين والأستاذ نقيب الممثلين، هو ليه حضراتكم مبتظهروش في الصورة غير لما يكون فيه حاجة"، متسائلاً عن سبب عدم متابعة الحالة الصحية لشيرين في الأيام العادية.
وأضاف: "يعني ليه مش بتسألوا عليها في الأيام العادية طالما أمرها يهمكم أوي كده، خلاص وكفاية متاجرة ارحموها بقى".
كما وجه رسالة إلى الإعلاميين، قائلاً: "السادة الصحفيين والمعدين والإعلاميين، محدش يكلمني أنا مش هعمل أي حوار أو أي مداخلة ولا أي شيء، أنتم بردو ناس كلكم عايزين ربتش وترند فقط، ليه محدش فيكم بيكتب لها والدنيا هادية كلام حلو بدون ما يكون فيه أزمة أو مشكلة كفاية بقى الله يخليكم، والله حالتها تصعب على الكافر ومحتاجة هدوء عشان تعرف تتعافى أخباركم وكلامكم والله بيأثر عليها".
وختم محمد عبد الوهاب منشوره بالتأكيد على احترامه للقانون وحدوده، وقال: "أنا اتكلمت باحترام وأدب.. وأنا والله بطولي بس بعون الله قد أي حد وبينا القانون، مفيش أي حد ليه الحق يطلع يتكلم أو يكتب عن شيرين حاجة، أيا كانت صفته، نقيب.. إعلامي ..صحفي .. شاعر .. ملحن أو موزع، الكلام للكل اللهم بلغت اللهم فاشهد".