قال الرئيس عبدالفتاح السيسي إن مصر خاضت حربًا شرسة ضد الإرهاب استمرت قرابة عشر سنوات، تكبدت خلالها خسائر مالية وبشرية جسيمة، موضحًا أن تكلفة تلك المواجهة بلغت نحو 100 مليار جنيه، بخلاف تضحيات الشهداء من أبناء القوات المسلحة والشرطة والقضاء والمواطنين.
وأضاف الرئيس خلال كلمته في الندوة التثقيفية للقوات المسلحة: "إحنا في حرب الإرهاب خلال الـ10 سنين صرفنا 100 مليار جنيه، غير ما سقط من شهدائنا من الجيش والشرطة والقضاء وأبناء الشعب. الـ100 مليار دي تكلفة القوات المسلحة، لكن لما اتقال إن في 450 مليار دولار هو تكلفة الفترة ما بعد 2011 لغاية 2013 و2014، فده كان نتيجة الأحداث اللي حصلت وتأثيرها الكبير على الاقتصاد المصري. أرقام ضخمة جدًا، وتداعياتها لسه مستمرة معانا ولسنين طويلة".
وأكد الرئيس السيسي في كلمته أنه يقدّر وعي الشعب المصري وصلابته، مشددًا على أن هذا التقدير ليس مجاملة وإنما إيمان حقيقي بقدرة المصريين على التحمل والوعي بالمسؤولية الوطنية.
وقال الرئيس: "لازم أسجل هنا برضو، وده مش كلام مجاملة والله، أنا كنت دايمًا براهن على الناس، وأقول إن المصريين عندهم قلب وعندهم عقل. رغم إن العقل ممكن يشوف إن الظروف صعبة والأوضاع الاقتصادية قاسية، لكن القلب بيقول إن في محاولة جادة من الدولة لتجاوز ده. الحرب مش دايمًا بالسلاح، ليها صور مختلفة، واللي إحنا فيه دلوقتي هو حرب لتغيير واقعنا الاقتصادي وأحوالنا للأفضل، وده شكل من أشكال الاجتهاد والصراع".