تحدث الفنان أحمد مالك عن تفاصيل مشهد المشاجرة الذي أثار تفاعلًا واسعًا في مسلسل «سوا سوا»، والذي يشارك في بطولته إلى جانب هدى المفتي، وحقق حضورًا ملحوظًا منذ انطلاق عرضه في الموسم الرمضاني الحالي.
وعلق مالك في تصريحات له على اندماجه في المشهد قائلًا: "بفصل الشخصية اللي بعملها عن شخصيتي الحقيقية دي شغلانة، الدكتور بيمارس مهنته وطبعًا الدكاترة شغلتهم أهم بكتير بينقذوا حياة بني آدمين وإحنا بنعمل فن ، ومش بقارن مهنة بمهنة، لكن الدكتور مثلا بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع لـ لبسه ويطلع من اللوكيشن خلاص دي شغلانة خلصتها، هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة أني أبقى صادق وحقيقي ويارب الناس تصدق اللي أنا بحاول أقدمه دي أمنيتي".
وأضاف: "لكل مشهد ظروفه اامختلفة ممكن يكون طالب حالة من السعادة أو الحزن والواحد يكون ملتزم بـ ده ويكون مقدر اللي حواليه ميقولش أنا جوا المشهد ده غلط".
ويشارك في بطولة العمل إلى جانب أحمد مالك وهدى المفتي كل من شريف الدسوقي، أحمد عبد الحميد، نهى عابدين، حسني شتا، خالد كمال، محمود السراج، عبد العزيز مخيون، وعدد من الفنانين.