عبرت الفنانة مي عمر عن سعادتها الكبيرة بالنجاح اللافت اللي حققه برومو مسلسل «الست موناليزا»، مشيرة إلى أنه فاق توقعاتها، مؤكدة إن ردود الأفعال الإيجابية أسعدتها، وذلك عبر حسابها الرسمي على موقع التواصل الاجتماعي الفيسبوك.
وكتبت عبر حسابها الرسمي على موقع التواصل الاجتماعي الفيسبوك: الحمد لله رب العالمين، النجاح الكبير اللي شوفته على برومو مسلسل «الست موناليزا» فاق كل توقعاتي. بجد أنا مبسوطة جدًا بردود الأفعال الحلوة على البرومو، وإن شاء الله المسلسل يعجبكم.
وتابعت: ولأن النجاح دايمًا بيبقى أجمل لما يتشارك، البوست ده إهداء من قلبي لمجموعة MBC، الداعم الحقيقي والسند اللي عمري ما حسيت معاهم إني لوحدي.
MBC مش بس قناة عرض، دي بيت وشريك نجاح.
وأضافت: شكر خاص جدًا للأستاذ محمد عبد المتعال على دعمه الكبير، وثقته المستمرة فيّ، وإيمانه الصادق بيا وبكل مشروع بقدمه.
وأكدت: وبالنسبة للأستاذ محمد مصطفى، بجد مش لاقية كلام يوفّي حقه. اهتمامه الحقيقي بكل تفصيلة في شغلي، وحرصه الدائم إن كل مشروع يطلع بالشكل اللي يليق بيا وبالجمهور، مع تفكيره الاستراتيجي ورؤيته الواضحة، مش بس بيخلّوا أي عمل ينجح، دي عوامل بتصنع فرق وبصمة حقيقية. وجوده دايمًا مصدر أمان وثقة كبيرة ليا، ودعمه قيمة أفتخر بيها جدًا.
ولفتت: ممتنة جدًا لفريق شاهد الرائع: أ. طارق الإبراهيمي، أ. آية مدحت، أ. مها كازامل، وأ. رانيا بدر، على احترافيتهم ودعمهم ومجهودهم اللي دايمًا بيبان في النتيجة. روح الفريق عندهم بتخلّي أي مشروع يوصل بأفضل صورة.
وأشارت إلى: وشكر كبير لشركة الإنتاج، وللأستاذ حسن العسيري المنتج، على ثقته وتعبه وإيمانه بكل مشاريعي من أول لحظة. يا رب دايمًا وشّنا يبقى حلو على بعض، وشكر خاص للأستاذ طارق فهمي والأستاذ محمد عبد الوهاب، على دعمهم وتعاونهم ومجهودهم الصادق اللي ما يتنسيش.
واختتمت منشورها: كل اسم من دول كان له بصمة حقيقية في الرحلة، وكل نجاح وراه ناس آمنت واشتغلت وتعبت، شكرًا من القلب… لأن النجاح دايمًا بيكون أجمل لما يتشارك.