قالت الفنانة فادية عبد الغني إن مشاركة التيك توكر والبلوجر في مجال الفن أمر عادي، ويُحسب على حسب موهبة الشخص، فالفن مهنة صعبة للغاية، وليس أي شخص يفتح كاميرا الهاتف يصبح فنانًا أو يجيد تقديم الأدوار، لأن كل دور له طعم ولون وشكل مختلف.
وتابعت الفنانة فادية عبد الغني حديثها خلال مداخلة تلفزيونية في برنامج تفاصيل مع الإعلامية نهال طايل عبر فضائية صدى البلد 2، قائلة: "مشاركة البلوجر والتيك توكر في الفن مش لازم يكون دارس، فسعاد حسني لم تدرس الفن ولكنها موهوبة بالفطرة، أما البلوجر والتيك توكر والعالم دول بيقدموا محتوى معين وهم ناجحين فيه، لكن التمثيل صعب شوية، وفي بعض منهم ممكن يطلع منه حاجة كويسة، لكن يتقدم بشكل يبين إمكانياته، لأن المفروض الفنان ده بيبقى ليه إختبارات قدام الكاميرا ودي حاجة كبيرة قوي، والمسألة مش سهلة".
وتحدثت الفنانه فادية عبد الغني عن كواليس عملها في مسلسل الوتد مع الفنانة هدى سلطان قائلة: "هدى سلطان الله يرحمها كانت ست جميلة أنا حسيت أنها كانت دايما مهتمة بتفاصيل الشغلانة وكل مشهد بتقدمه بتهتم بيه والجمل لما بتيجي بتقولها بتظبطها على مقاس بوقها وكانت مبدعه وكنا في حالة من الحالات الصداقة اللي بينا وبين بعض وأنا اشتغلت معاها أكتر من عمل وهي ست جميلة وكانت سبحان الله تطلب البريك بتاعها قبل آذان العصر علشان تروح تصلي وكانت مهتمة بعلاقتها مع ربنا".