كشفت المخرجة إيناس الدغيدي تفاصيل غير متوقعة عن بداية تعارفها على زوجها رجل الأعمال أحمد سوكارنو، مشيرة إلى أن قصة ارتباطهما بدأت بتنبؤ غريب عبر قراءة فنجان، قبل أن تجمعهما الصدفة لاحقًا عن طريق صديق مشترك.
وقالت الدغيدي، خلال لقائها مع الإعلامية لميس الحديدي في برنامج "الصورة" على قناة النهار: "قابلت شخص بيقرأ الفنجان، وقال لي: من هو أحمد؟ فقلت له: ما عنديش حد في حياتي اسمه أحمد، عندي بس أخويا اسمه أحمد. فقال لي: لا، مش أخوكي.. في أحمد تاني هيدخل حياتك وهيفضل معاكي لآخر يوم في عمرك."
وأضافت: "ما اهتمّتش بكلامه وقتها واعتبرته مجرد دردشة، لكن بعدها بفترة قابلت صديق مشترك جاي من أستراليا، وحكى لي إنه كان مع شخص محترم هناك وسأله: مين أكتر فنانة بتعجبك؟ فقال له: إيناس الدغيدي. ومن هنا بدأت القصة."
ومن جانبه، تحدث أحمد سوكارنو عن بداية تعارفه بالدغيدي قائلًا: "التقينا صدفة في أستراليا ضمن مجموعة من رجال الأعمال، وحدث بيننا انسجام سريع. كنت أعرفها من خلال أعمالها وأتابع لقاءاتها، وأُعجبت بجرأتها وصراحتها، لأنها بتقول الحق في وقت ممكن ناس كتير تخاف تقول رأيها."
وأضاف سوكارنو: "من برة ممكن ناس تشوفها ست قوية، لكن أنا شفت فيها ست طيبة جدًا وبسيطة في تعاملها."
واختتم حديثه مؤكدًا ارتباطه العميق بمصر رغم إقامته الطويلة في الخارج، قائلاً:"أنا ما زرتش مصر من سنة 1982 بعد اغتيال الرئيس السادات، لكن مصر دايمًا عايشة جوايا، ولسه متابع كل اللي بيحصل فيها حتى دلوقتي."