غادة عادل: "طول ما القلب بينبض ممكن أحب تاني"

تحدثت الفنانة غادة عادل عن علاقتها بأبنائها، مؤكدة أنها لا تقتصر على دور الأم فقط، بل تجمعها بهم علاقة صداقة وأخوة تجعل حياتهم أكثر راحة وتفاهمًا.

وقالت غادة، خلال لقائها في برنامج "الصورة" مع الإعلامية لميس الحديدي على قناة النهار:"كان معي عبد الله، وهو الابن الأوسط بالنسبة لي، ودي لحظة مؤثرة جدًا بالنسبة لي، لأني في البيت مش بس أم لأولادي، لكن كمان صديقتهم وأختهم، وده شيء مريحنا كلنا."

وردًا على سؤال لميس الحديدي: "هل إنتِ أم مسيطرة؟"، أجابت غادة بابتسامة:"لا طبعًا، زي ما قلت، أنا صديقتهم وأختهم مش بس أم، لا بضيّقهم، ولا حد فيهم بيضيّقني".

وسألتها الحديدي ممازحة: "فيه حد من أولادك ناوي يتجوز قريب؟"، فردّت غادة ضاحكة:"مفيش حد فيهم بيفكر في الجواز دلوقتي، إحنا مبسوطين كده مع بعض، همّ خايفين يتجوزوا... فأنا اللي أتجوز!".

لترد لميس ضاحكة:"وفيها إيه يعني؟"، فقالت غادة:"علشان كده عملت الفيلم، يمكن يكون تمهيد ليهم".

أما عن إمكانية أن يدق قلبها من جديد، فقالت غادة بتأمل:"زي ما قلنا في الفيلم، طول ما القلب بينبض ممكن يدق تاني، وهيدق فعلاً. ولو جالي إنسان يستحق، أكيد هحبه".

وعن الرجل الذي يمكن أن يستحق قلبها، أوضحت:"أي إنسان كويس، قلبه نظيف، أكيد هحبه. أنا بحب الطيبين. في حياتي كلها بحب الناس اللي عندها رحمة وعطاء ومفيش مصالح. أي إنسان جواه المشاعر دي... هحبه".