أعربت الفنانة الشابة رحمة حسن، عن استيائها الشديد بعد تعرضها لمشكلة طبية في شعرها وذلك نتيجة خطأ طبى خلال تلقيها إحدى جلسات العلاج التجميلى.
واعلنت الفنانة رحمة حسن عن تفاصيل الواقعة التى تسببت فى تساقط شعرها بالكامل، وذلك عبر حسابها الرسمى بمواقع التواصل الاجتماعى المختلفة، مؤكدة أن العيادة المسؤولة تواصلت معها مؤخرًا، بعد أن نشرت منشورًا تحدّثت فيه عن معاناتها.
وكتبت الفنانة رحمه في منشورها قائلة : "العيادة اتصلت بيا امبارح بعد ما نزلت البوست، ورديت عادي لأني شخص محترم. قالولي: 'آسفين إن ده حصل، وعايزينك تيجي العيادة، وهنتكلمك بكرة'... بس ده مجرد كلام علشان ماسكتش! وسألوني: ليه ماقلتيش قبل كده؟ قولت لهم: أنا بعتلكم بعدها بأقل من شهر، ومحدش رد أو اتواصل معايا، وكرروا نفس التصرف تاني. الحقيقة إني عمري ما كنت هتعامل معاهم تاني... لأنهم معندهمش ضمير مهني بالنسبة للي حصل".
وأضافت رحمة حسن:" بتمنى إن اللي حصل لي مايحصلش لحد تاني، وبالنسبة لي، متأكدة إن كل حاجة هتكون كويسة. بتمنى إن مصر يبقى فيها أطباء تجميل عندهم ضمير، شكرًا ليكم، وبعتذر إني مش برد على الصحافة أو التعليقات، بس اللي حصل قديم ومؤلم. مشاركتي للموضوع دايمًا بتكون من باب الحب، أو التوعية، أو الإحساس بالمسؤولية، وأحيانًا من الناحية الحرفية، أما بخصوص العيادة، أنا مش مسامحاهم، لا همّا ولا الدكتورة المسؤولة، ومش هقبل اعتذارهم حتى لو قدموه... لأن شعري مش هيرجع في يوم وليلة".
يذكر أن الفنانة رحمة حسن قد تعرضت لمعاناة صحية و نفسية خلال الفترة الماضية، موضحة أنها تعرضت لتساقط شديد في الشعر تطوّر إلى الصلع الكامل، بسبب تعامل طبي خاطئ داخل أحد مراكز التجميل.