علقت الفنانة مي عمر على الستوري الفنانة ياسمين عبدالعزيز حول مباركتها لها على تصدر مسلسلها الست موناليزا المركز الرابع.
وقالت مي عمر عبر خاصية الستوري عبر حسابها الرسمي على موقع التواصل الاجتماعي لتبادل الصور والفيديوهات الانستجرام: بصراحة كنت أتمنى أول مرة تعمليلي تاج فيها تبقى في تعزية أو كلمة طيبة على وفاة والدي، مش في بوست ترتيب المسلسلات، عموما شكرا، ربنا ما يوريكي أحزان.
وكان أثار المخرج محمد سامي حالة من الجدل على مواقع التواصل الاجتماعي بعد تعليقه على منشور للفنانة ياسمين عبد العزيز بشأن ترتيب المسلسلات الأعلى مشاهدة على منصة Shahid في مصر خلال موسم دراما رمضان.
وجاء تعليق محمد سامي بطابع ساخر، حيث كتب مهنئًا ياسمين عبد العزيز على تصدر مسلسلها وننسى اللي كان لقائمة المشاهدة: «الله يبارك فيكي يا ياسو، أخيرًا بعد ما عرض موناليزا خلص بيومين.. كنتِ فين من أول رمضان يا غالية؟ عارف إن نفسك في الموضوع ده من أول رمضان، بس النصيب بقى ساعات».
وأضاف سامي في تعليقه:«الواحد يتمنى حاجة يوم واحد، ربنا يكرمه بيها يوم 16.. ادعيلي بقى».
وتابع موضحًا:«أنا اللي أقنعت مي إن مسلسل الست موناليزا يبقى 15 حلقة بس، وإلا كان الواحد اتمنى حاجة يوم 1 وربنا يدهاله بعد العيد زي السنة اللي فاتت».
واختتم رسالته قائلًا:«دايمًا ناجحة ومتفوقة يا حبيبتي، وعقبال السنة الجاية.. ودايمًا تمتعّي الجمهور اللي بيحبك وأنا أولهم».