تحدثت الفنانة إنجي المقدم عن دورها في مسلسل «الست موناليزا» وردود الفعل عليه.
وقالت إنجي المقدم، عبر تصريحات تليفزيونية لها: «كان تحدي كبير إني أغير جلدي تماما وأخرج برا المألوف والمعتاد وكان بالنسبة ليا متعة أنه عندي تحدي جديد في شخصية جديدة وبعيدة وكنت عايزة الناس تشوفني بشكل جديد ودا اللي بسعى طول الوقت إني أعمله كل دور يكون مختلف عن اللي قبله».
وعن رد فعل الجمهور حول شخصية "علياء" في المسلسل قالت إنجي المقدم: «ناس كتير بتقولي متنزليش الشارع واستخبي الفترة دي بس الحمد لله لما بنزل هما أه كارهين الشخصية بس بسمع كلام كويس عن أن الأداء كان كويس وأن عاجبهم أدائي كممثلة».
وردت إنجي المقدم على الانتقادات التي وجهت للمسلسل وكون الأحداث مبالغ فيها قائلة: «الواقع في حاجات أصعب من كده بكتير أنا مبقتش أقول لأ مفيش حاجة بعيده كل حاجة ممكنه وبتحصل وأسوأ كمان، المسلسل رمضاني جدا وشادد الناس أوي والجمهور بيحب الحاجة اللي يتفاعل معها وتبقى جدلية المسلسلات اللي بتعمل الحالة دي بتكون ناجحة جدا في رمضان».