قال الإعلامي د. عمرو الليثي في مقدمة برنامج "أبواب الخير" عبر إذاعة راديو مصر، في زحمة الحياة، ومع كثرة الذنوب اللي ممكن نرتكبها، وفي لحظات الندم اللي محدش بيسمعها، نحتاج إن نتذكر اسم جميل من أسماء الله الحسنى، علشان يخلي القلب يطمن، وهو: الغفور.
اللي بيستر الذنب، وبيقبل التوبة، اللي ما بيقفلش باب في وش أي حد بيرجع له، اللي بيطبط على القلب قبل ما يحاسبه. الناس بتشوفك بخطئك، لكن ربنا بيشوفك بندمك.
وأضاف الليثي اسم الغفور بيعلمنا إن الخطأ مش نهاية الطريق، وإن باب الرجوع مفتوح طول الوقت. كام مرة أخطأنا، وكام مرة عدنا، وكام مرة سترنا ربنا؟.
الغفور اللي بيعفو ويمهل ويفرح بعودة عبده. ولما نتأمل اسم الغفور، نلاقي ربنا مش بيتعامل معانا بميزان المعصية، ولكن بميزان الرحمة. يغفر الذنب مهما كان كبيرًا، إذا صدق القلب في التوبة.
اسم الغفور يمنحنا شجاعة العودة والتصحيح. ومن عرف أن ربه غفور، لم ييأس، ولم يستسلم، ولم يترك نفسه للذنب.
وعلي جانب آخر يقدم البرنامج خلال شهر رمضان رحلات عمرة، ومساعدات مالية ، كما يقدم عدد كبير من المشروعات الصغيرة وأطراف صناعية وكراسي كهربائية.
كما يساهم البرنامج في الإفراج عن عدد كبير من الغارمات ، ويلعب البرنامج دورا مهما في علاج غير القادرين وادخال البهجة والسرور علي قلوبهم من خلال تلقي الاتصال الهاتفية بشكل مفاجأة علي الهواء طوال شهر رمضان.
فكرة البرنامج تأتي في إطار دعم أهالينا، من خلال التواصل مع المستمعين علي الهواء مباشرة وتلبية احتياجات المواطنين في نفس اللحظة ومتابعي البرنامج،يذاع برنامج أبواب الخير يومياً خلال شهر رمضان في الثالثة عصرا عبر اثير إذاعة راديو مصر والإعادة في السابعة مساءً بعد الإفطار .