أعربت النجمة الكببرة ليلي علوي عن امتنانها الشديد وحبها واحترامها للفنان القدير د. يحيي الفخراني.
وعلقت على حواره في العدد الجديد من مجلة المصور مع الكاتب الصحفي طارق شحاتة..قائله : دكتور يحيى الفخراني هو "الأستاذ" الأول، وأول من اشتغلت معه، وذكريات محفورة في قلبي:
البداية.. "صيام صيام"
كنت لسه في بداياتي خالص، وبنوتة صغيرة ومتحمسة، ووقفت قدام يحيى الفخراني في المسلسل الرمضاني الجميل ده.
وأصافت: "الأستاذ يحيى في "صيام صيام" مكنش مجرد بطل المسلسل، كان بيتعامل معايا بمنتهى الاحتواء. كان بيعلمني إزاي أركز، وأقف قدام الكاميرا من غير خوف".
وقالت الفنانة الكبيرة: "من "بكالوريوس في حكم الشعوب" لـ "صيام صيام" وصولاً لـ "خرج ولم يعد".. يحيى الفخراني مكنش مجرد زميل، كان هو "البوصلة" اللي وجهتني للفن الحقيقي. هو اللي زرع عندي فكرة إن الفن لازم يكون له "قيمة" و"رسالة"، وفي نفس الوقت يلمس قلب الناس البسيطة. وتوالت بعدها الأعمال لكن مش بس كده"؛ بل اتخلقت الصداقة ما بيننا واللي بفخر إنها موجودة حتى الآن".
وتابعت الفنانة ليلى علوي: "طبعا هو على المستوى الانساني شخصية أكثر من رائعة وقلبه كبير ولا يبخل على أي حد بمعلومة او نصيحة ودايما سند .. وفنان كلنا بنفخر بيه".