رحل عن عالمنا اليوم الفنان هاني شاكر، تاركًا خلفه حالة كبيرة من الحزن بين جمهوره ومحبيه، خاصة بعدما ارتبط اسمه لسنوات طويلة بالأغاني الرومانسية والمواقف الإنسانية المؤثرة التي كشف عنها في لقاءاته المختلفة.
ومن أكثر اللحظات التي أبكت جمهوره، حديثه عن رحيل نجلته دينا، حيث ظهر متأثرًا وهو يستعيد تفاصيل تلك التجربة القاسية التي وصفها بأنها أصعب ما مر به في حياته.
وقال هاني شاكر خلال اللقاء: «والله صعب أقول حاجة.. ربنا معاك، يعني أوحش حاجة في الدنيا بجد إنك تشوفي ضناكي بيروح منك، مهما أقولك إحساس صعب جدًا جدًا جدًا».
وأضاف: «ودينا لا سابتني، ولا سابت نهلة، ولا سابت البيت، ولا سابت ولادها، هي معانا صبح وليل، وأصعب ابتلاء على فكرة ابتلاء الضنا ده أصعب ابتلاء، ربنا يصبر كل واحد ربنا ابتلاه بالابتلاء ده يا رب».
وعن رسالته لابنته الراحلة، قال: «بحبك أوي، وحشتيني أوي، وإنتي ما بتروحيش من بالي، ولا من بال نهلة، ولا شريف، ولا من بال أي حد من العيلة، وإنتي في بال كل أصحابك اللي لسه بنشوفهم لحد دلوقتي، وولادك بقوا جمال وزي القمر أوي يا زينة».
واختتم حديثه قائلًا: «ولادك فكرينك، لان طبعًا في ذكريات كتير، هما كانوا صغيرين ماكانوش فاكرينها أوي، بس اطمني يا حبيبتي، أنا وماما بنفكرهم وبنوريهم صورك على طول.. الله يرحمك يا حبيبتي».