أشاد المخرج عمرو سلامة بصناع فيلم «برشامة»، بطولة هشام ماجد، وكشف أسباب نجاح العمل من وجهة نظره، عبر حسابه الرسمي بموقع التواصل الاجتماعي "فيس بوك"، ووجه المخرج عمرو سلامة رسالة لأبطال وصناع عمل فيلم «برشامة»، موضحا عوامل نجاحه، قائلا: «سبع ملاحظات على فيلم (برشامة):الكتابة.. الكتابة.. الكتابة.. المقولة المشهورة بتقول "الكتابة هي الملك"، والكتابة يعني مش بس موهبة، وكمان وقت، وكذا دماغ بتفكر سوا، وتعديلات، واقتراحات، ونسخة نهائية تطلع بعد استنفاذ كل محاولات التطوير».
وتابع عمرو سلامة: «الجودة، أحلى درس مستفاد، إن الكوميديا بيفرق معاها الجودة، جودة الإخراج، الإنتاج، التمثيل، الكاستينج، التصوير، المزيكا، المونتاج، وكل العوامل الثانية، إن الكوميديا تتعمل بجودة مهم، مش المنطق الكسول بتاع علشان بنعمل فيلم كوميدي نبقى بنهرج وبس، والمهم الضحك وكل حاجة ثانية مش مهمة».
وأضاف عمرو سلامة: «الإيثار من نجم العمل، أو بمعنى أصح تغليب مصلحة الفيلم على مصالحه الضيقة، إنه يبقى مستعد وهو نجم يقدر يعمل فيلم يتصدره بالكامل يدي مساحة للي حواليه، هشام ماجد مش بس ممثل وإنسان محترم ، هشام ذكي عارف إن مصلحة فيلمه ككل من مصلحته المباشرة» .
واستكمل عمرو سلامة: «التوقيت، نزول الفيلم مع منافسة معقولة».
وأشار سلامة إلي أن التوفيق، والحظ السعيد إن معظم نجوم الفيلم كانوا مكسرين الدنيا في الموسم الرمضاني، مع افتقاد الناس لهشام ماجد كان عامل قوي ساهم في نجاح العمل.
واختتم سلامة : «الإيمان بالجمهور، الجمهور لما يتقدمله حاجة حلوة هيعرف يقدرها".