قال الرئيس عبدالفتاح السيسي إن المرحلة الحالية تتطلب تضافر الجهود والثقة في المستقبل، مشددًا على أن تجاوز التحديات الاقتصادية لن يتحقق إلا بإرادة المصريين وتكاتفهم.
وقال الرئيس: "والله العظيم أنا ما بجامل، صدقوني بيكم لازم نعبر ظروفنا الصعبة، ولازم بفضل الله اقتصادنا يتحسن بما يليق بيكم وبأبنائكم وبأحفادكم القادمين إن شاء الله. واللي أنا عايز أقوله إن اليوم ده يوم من الأيام الجميلة إن شاء الله، وأنا متفائل جدًا بحالنا دلوقتي. يمكن في الكلمة أقول بعض النقاط الإيجابية اللي ربنا ساعدنا فيها كالعادة، لكن عايز أقولكم الحرب مش بس حرب بالسلاح، دي حرب بالمعرفة، وبالاقتصاد، وبالعلم، وبالوعي، وبالإرادة، وبالثقة، وبالتحمل.. دي كلها أشكال من أسلحة المواجهة".
وأكد الرئيس السيسي على أن مصر تمضي بثقة تحت رعاية الله وحفظه، رغم محاولات التشويه والضغط التي تتعرض لها من وقت لآخر، قائلًا: "عشان كده لما بيحاولوا، لما قالوا إن إحنا عملنا حكاية كده بتاعة السفارات وبتاع.. مكر والله، كذب وإفك، بس هي السياسة كده. لكن هو مطلع سبحانه وتعالى، وعشان كده شفتوا العزة.. شفتوا؟ مش إحنا، هو دايمًا. ربنا ما يحرمنا أبدًا من دعمه ونصره، ويشرفنا دايمًا برضاه. اللهم آمين يا رب".