أعلن المخرج محمد سامي، عودته مجددا إلى الساحة الدرامية من خلال مسلسل جديد يحمل اسم "رد كليتي"، مؤكدا أنه يعتبره الأهم في مشواره الفني والأقرب للجمهور العربي.
وكتب سامي عبر صفحته الرسمية على موقع التواصل الاجتماعى فيسبوك: "بسم الله، بكتب مسلسل جديد هيكون بإذن الله الأهم في مسيرتي الفنية، والأعلى مشاهدة وجدلاً، حكاية جديدة عمرها ما اتقدمت لا محلي ولا عالمي".
وتابع سامي:"هصور إمتي و مين الأبطال و هينزل إمتى !!، كل ده معرفهوش لسه ولا فبالي ، اللي أعرفه أنه سيكون أرقي و أميز أعمالي و سيكون عمل يحترمه و يقدره كل بيت عربي ، إدعولي يخلص بنفس القوة اللي بدأ معايا بيها ،اللي مفرحني في العمل ده ، إني كنت بحاول ألاقي معادلة صعبة جدا بالنسبالى، هي إزاي العمل الجماهيري النهاردة بمتطلبات السوق، يكون فني بحت زي أعمال كتير إتقدمت زمان من أساتذتنا".
واستكمل حديثه:"وإزاي أقدر أخد موضوع يهم المجتمع لقوة الجذب اللي إعتادها الجمهور العربي مني، ماتبقاش مشاهداته محدودة أو نخبوي مع إحترامي لمحبي الأعمال النخبوية، و إزاي أغير تماما عن كل حاجة قدمتها، أعمل بنصيحة الأستاذ طارق الشناوي و هي التغيير قبل تشبع الجمهور و الحمد لله لقيت ده في مشروعي الجديد".
واختتم سامي حديثه:"الله الموفق، وإن شاء الله يكمل على خير".