علقت الإعلامية سالي عبد السلام على واقعة القبض على مجموعة من مشاهير التيك توك، لنشر محتوى خادش للحياء واستخدام منصات التواصل الاجتماعي بشكل يخالف قيم المجتمع بهدف زيادة نسب المشاهدة، بعد تقديم عدة بلاغات ضدهم.
كتبت سالي منشور على حسابها الشخصي بموقع التواصل الاجتماعي الفيسبوك:عشان تبقي تشحت هناك وتغني بقى.. سجن النسا!، جبتوا للناس اكتئاب! دكاترة ومهندسين وشباب زي الفل بيشقى ويتعب بالحلال، وربنا هيكرمهم والله... إنما أنتم فاكرين نفسكم ناصحين، وإنكم بتقلبوا موازين الدنيا؟ لا والله، ما يصح إلا الصحيح، وأي حد يدافع عنكم يبقى زيكم!».
وتابعت:"مش لازم تتحبسوا، بس اتشديتوا شدة جامدة.. والبلد دي فيها قانون محترم، وكل يوم بتثبت كده كفاية إن اسم الواحد يقترن بقضية، ده في حد ذاته ابتلاء كبير!،عرتونا قدام الناس! فاكرين إن كل المصريين زيكم؟ أنا لما كنت بشتغل بره مصر، كنت ببقى مكسوفة ومش عارفة أرد، والناس واخدينكم مسخة، وشايفينكم متسولين.. كبسوا كبسوا!".
اختتمت:"يقولك المصريين دمهم خفيف.. طبعًا حضراتكم فاهمين يقصدوا إيه! شوية بهلوانات! الحقيقة صعبانين عليا أهاليكم.. الفقر مش عيب، لكن قلة الأدب وقلة القيمة عيب!،تحية للداخلية.. الشرطة المصرية، وكل من سعى إنه يعلمكم الصح! وكل اللي ساعد في إنكم تطلعوا للنور وتبقوا مشاهير.. ربنا يسامحه!"