طرح المطرب الشاب عطار ديو غنائي جديد بعنوان “شارب الأصول”، يجمعه لأول مرة بمطرب المهرجانات عنبة، وذلك عبر منصات اليوتيوب ومواقع التواصل الاجتماعي ومحطات الراديو، ليقدّم الثنائي تعاونًا فنيًا يجمع بين أسلوبين مختلفين في الغناء داخل عمل واحد.
يواصل عطار، صاحب الأصول المغربية من جهة والدته، تطوير مشواره الفني من خلال هذا التعاون الجديد، حيث جاءت أغنية “شارب الأصول” من كلمات مصطفى حدوتة، وألحان عطار، وتوزيع خوليو.
ويقدّم الديو طابعًا حماسيًا يعتمد على الإيقاع السريع وأسلوب المهرجانات، مع كلمات تعكس حالة من التحدي وإثبات الذات، في تجربة تُعد الأولى التي تجمع بين عطار وعنبة في عمل غنائي مشترك.
كلمات أغنية “شارب الأصول”:
شارب الأصول في كوباية
كان نفسي تشرب معايا
بس إنت مش على هوايا
وعشان أجيب بي أمّايا
أنا ابتديت بتُمنايا
وعرفت أجيبها بشقايا
أنا في الشدة شديد
وإنت على قد الإيد
اقعد ورا يا بليد
إنت ركنت بعيد
إنتوا بقالكوا كبير
هخصملكو أنا مدير
إنتوا في منكو كتير
هلس وأخوكم تقدير
شغال بإيدي وسناني
وطلعت قد حلفاني
وبقيت مكاني في العالي
والحلوة اللي سايباني
مش عارفة برضه تنساني
بتموت ولسه عايزاني
أنا في القوة قوي
تاعب الكل قوي
معلم وإنت صبي
تندب مين يا غبي
هقلبهالكوا جحيم
وأطلع منها سليم
بابا تاريخي عظيم
عندي جديد وقديم
ماشي في طريقي طوالي
والسهل كان ع شمالي
وعملت مش واخد بالي
مفيش أرقام بتغريني
مفيش خصام تجريني
مفيش حريم تمشيني
أنا في التقِل تقيل
سندال وإنت عويل
بشيل وإنت تشيل
حجمك جنبي قليل
أنا راجل كسيب
ودول تحت التدريب
حاضر عمري ما أغيب
وإنت بدأت تخيب