وجه المنتج أحمد الجنايني رسالة تهنئة إلى زوجته الفنانة منة شلبي بعد النجاح الذي حققه مسلسل «أصحاب الأرض»، معبرًا عن فخره الكبير بأدائها الفني واختياراتها للأعمال ذات المعنى والتأثير.
وكتب الجنايني عبر حسابه الشخصي على إنستجرام: “مبروك من قلبي أنا حقيقي فخور بيكي، أصحاب الأرض مش مجرد مسلسل، ده عمل بيحكي قضية مهمة بصدق وشجاعة، عمل هيعيش سنين كتير”.
وتابع: "مبروك النجاح الكبير ومبروك على الأداء الصادق والقوي، وعلى اختيارك دايمًا للأعمال اللي ليها معنى وتأثير".
وأضاف: “ربنا جزاكي على قد مجهودك وتعبك، وشكرًا على احترامك وإخلاصك في شغلك”.
وأكمل: “دكتور بيتر إيه الحلاوة والجمال ده، قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم، وموسيقى أكثر من رائعة، وكل ده ما كانش هيحصل من غير إنتاج قوي جدًا”.
واختتم: "كل التقدير لكل صُنّاع هذا العمل على تقديم قصة تستحق أن تُروى، مبروك".