تحدث الفنان الشاب آدم الشرقاوى فى تصريحات تليفزيونية عن بعض تفاصيل تتعلق بحياته الفنية، موضحاً أنه رفض العديد من عروض التمثيل بسبب التعليقات السلبية.
وقال الشرقاوي: "رفضت عروض شغل لأني كنت شايف أني مش ممثل شاطر خالص بسبب كلام الناس، ولما كنت ببص لنفسي في المرايا مش عارف البني آدم ده، مكنتش عارف أفكر صح وكل أفكاري كانت سلبية، ولما كانوا بيكلموني على شغل مكنتش برد ولو رديت كنت ببقى عصبي جدًا بدون سبب، ورفضت لأني مكنتش قادر ولا عارف أمثل أصلًا.
وتابع الفنان آدم الشرقاوي، خلال حواره مع الإعلامية منى الشاذلي، في برنامجها معكم: كنت عايز أبني حياة هنا، وكنت بفكر أن محدش عايز يبقى صاحبي ولا يقعد معايا، ده دخلني في اكتئاب، وفي ناس حاولوا يساعدوني ويوصلوني لدكتور نفسي، ولكني مكنتش سامع ولا شايف أني محتاج أصلًا، بس كلنا محتاجين دكتور نفسي.
وعلى صعيد متصل أيضاً أن آخر أعمال الفنان الشاب آدم الشرقاوي السينمائية من خلال مشاركته في فيلم "5 جولات"، وهو من تأليف محمد عبد المعطي وإخراج مازن أشرف وشارك في العمل كل من نور النبوي، ماجد المصري، داليا شوقي، الراحل مصطفى درويش، سالي رشاد وآخرين.