كشف الفنان الشاب آدم الشرقاوى عن أصعب مرحلة مر بها خلال أزمته الأخيرة قائلاً:" أوحش مرحلة لما كنت 115 كيلو، والنجاة بالنسبة ليا أول ما شفت أمي في أمريكا، هي شافت أن في حاجة غلط ولكن ماكنتش بتحكم ولا بتلومني، كانت بس بتشجعني، رحت لدكتور وخدت أدوية وبدأت أخف وأخس، ولكن مخي كان بايظ ومش فاكر في نفسي، ربطت إحساس الاكتئاب بمصر وده كان غلط، أنا اللي عملت كل ده وخليت ناس تأثر على تفكيري
وأوضح الفنان آدم الشرقاوي، خلال حواره مع الإعلامية منى الشاذلي، في برنامجها معكم قائلاً: التعليقات السلبية كانت بتأثر عليا وكنت متخيل أنها هتخليني مشتغلش أو أقعد في البيت.
واختتم الفنان الشاب آدم الشرقاوى حديثه قائلاً "أنا الحمد لله عملت حاجات كتير وتعبت علشان أوصل للي كنت فيه، ومكنش المفروض أركز في التعليقات السلبية، أنا كنت محتاج أهلي وأصحابي، ممكن أكون كنت بدور على أصحاب في أماكن غلط.