أحيا نجل الفنان الراحل طارق عبد العزيز ذكر ميلاد والده، من خلال مشهد من فيلمه "كيمو وأنتيمو" على حسابه الشخصي بموقع التواصل الاجتماعى تبادل الصور والفيديوهات الانستجرام.
قال:"كل سنة وحضرتك طيب يا حبيبي، كل سنة وانت مبتغيبش عن البال ولا ثانية، مهما دعيتلك عمري ما هوفيك ربع حقك عليّ في اللي إنت عملته معايا وتركته فيّ من أثر طيب.. كنت وما زلت وهتفضل وسطنا بذكراك الطيبة يا حبيبي".
وأضاف: "ضحكوا عليّ يا أبويا وقالولي الوقت بينسّي، ميعرفوش إن الوقت بيزود الشوق وعدم الاستيعاب، يكفيني صبرًا سيرتك الطيبة اللي سايبة فيّ علامات وماشي بتشرّف بها وسط عباده، عندي كلام كتير ملخبط إنت الوحيد اللي هتفهمه، ولكن إلى أن ألقاك.. أسأل الله أن يتغمدك برحمته وواسع جناته،أسألكم الدعاء لأبويا ولكل من رحلوا عنا".