وجه محمد الدماطي عضو مجلس إدارة الأهلي، رسالة للجمهور لطلب دعمها في مباريات الفريق المقبلة بالدوري الممتاز.
وكتب الدماطي عبر حسابه الرسمي بموقع التواصل الاجتماعي فيس بوك: "حتكلم في البوست ده بصفتي مشجع اهلاوي قبل ما ابقي عضو مجلس إدارة، وعارف حجم الأبواب اللي حتتفتح عليا، بس أنا مش بعرف استخبي."
وأضاف: "كان درجة عدم رضاك عن الإدارة او الفريق أو أي شيء دة مش مبرر أبدا لضعف الحضور الجماهيري في مباريات حاسمة في الدوري، لو هي ظاهرة عامة ممكن اقول فقدان شغف، أو مشاكل مع الجمهور، لكن لما يبقي الحضور كامل العدد في ماتشات إفريقيا و عدد قليل جدا في مباريات الدوري يبقي اية السبب، هل بنوصل رسالة للاعبين إن الدوري مش مهم، مفيش اي مبرر منطقي للتفاوت دة، ومش حندفن راسنا في الرمل و نعمل مش واخدين بالنا، كل البطولات مهمة، والتواجد الجماهيري دة لوحدة بيحسن الاداء، أنا علي مدار عمري كنت اكتر فترة لازم ابقي موجود فيها في المدرج والفريق محتاجني عشان يكسب ."
وواصل: "نقفل علي نفسنا شهرين بس، نركز مع حاجة واحدة اننا نزق فرقتنا لقدام لحد آخر الموسم، نشجع و نروح الاستاد، و نسيب اي انتقادات علي جنب دلوقتي عشان مش مهم الأشخاص، محدش حيفتكر حاجة غير البطولات في الآخر، المهم الأهلي، الأهلي وبس، ياريت الناس المؤثرة تتبني الاتجاة دة، كل حاجة لسة في إيدينا، وإن شاء الله ربنا حيكرمنا في الآخر."