في أول ظهور إعلامي لها بعد عاصفة من الشائعات، خرجت الفنانة وفاء عامر عن صمتها لتواجه الاتهامات التي لاحقتها مؤخرًا بالاتجار في الأعضاء البشرية، مؤكدة أنها تدافع عن نفسها بالقانون، وجاء حديثها خلال لقائها مع الإعلامي أحمد سالم في برنامج "كلمة أخيرة"، حيث فتحت قلبها للجمهور وتطرقت أيضًا إلى تفاصيل دعمها للاعب الراحل إبراهيم شيكا في أيامه الأخيرة.
وخلال اللقاء، روت وفاء عامر كواليس وقوفها بجانب إبراهيم شيكا في أيامه الأخيرة، قائلة: "قبل ما شيكا يموت رحت بيته، لقيت إن مينفعش واحد عنده جروح في جسمه يسكن في البيت ده، زوجته قالتلي إنهم دافعين 100 ألف جنيه في بيت تاني، ابتديت أجمع تمن الشقة، مش من تيك توك ولا فيسبوك، وكان معايا حد بيراجع ورايا الفلوس، بالفعل جبت له فلوس وبيت، وبعت المحامي معاه شيك بتمن الشقة، وفاضل عليها 150 ألف جنيه، وأنا دلوقتي عايزة استرجع الشقة دي لأنها سبب مشاكل بين هبة وعيلتها".
أما عن الاتهامات التي لاحقتها، فأكدت وفاء عامر أنها لم تقف صامتة أمامها، مضيفة: "مين قال إني مدافعتش عن نفسي من اللي بيتقال عني، أنا بدافع بالقانون ورفعت قضايا، وقضاء مصر العادل هو اللي مخليني قاعدة دلوقتي، الداخلية قوية ومحترمة ومش بتسيب حاجة".
وخلال الحلقة، لم تتمالك وفاء عامر دموعها وهي تتحدث عن محنتها، قائلة: "كنت بطوف في الكعبة وبدعي ربنا وبقول يا رب رد عليا مظلمتي، وكل واحد جاب في سيرتي. الناس كانوا بيطبطبوا عليا ويقولولي بندعيلك، وواحد في الشارع قالي الحمل تقيل بس إنتي قوية، وأنا فعلاً في مصر بلد القانون".